Í fyrsta gír

Suma daga er eins og ég sé föst í fyrsta gír og kemst bara ekkert áfram, sama hversu marga bolla af kaffi ég drekk. Í morgun mætti ég ágætlega of seint í fyrirlestur (reyndar gerist það ekki eingöngu á slow dögum hjá mér :-/) bara vegna þess að ég var svo lengi að taka mig til. Fór svo á bókasafnið eftir hádegi en gafst upp eftir 2 tíma, búin að lesa 2 blaðsíður og drekka jafnmarga kaffibolla. Ég viðurkenni það alveg að þetta reyndi pínulítið á þolinmæðina! Get orðið öfga pirruð þegar gengur illa að lesa og kenni öllum í kringum mig um einbeitingarleysið. Það er nóg að næsti maður andi aðeins of hátt. En það sem mér finnst mest pirrandi þegar svona liggur á mér eru:

1) tölvur.......verð geðveik á að sitja við hliðina á manneskju sem hamast á lyklaborðinu

2) prentarar

3) HÁIR HÆLAR....need i say more

4) gemsar. Þó þeir séu á silent þá er það ekki minna truflandi þegar fólk hendist út til að svara í símann þegar hann víbrar

5) fólk að labba upp og niður tröppur

6) kvefað fólk sem gerir ekki annað en að hósta eða sníta sér eða sjúga uppí nefið

En maður á samt ekki að leyfa svona smáatriðum að fara í taugarnar á sér. Héðan í frá ætla ég að hafa það sem reglu að sama hversu ömurlegur dagurinn er þá verð ég að finna a.m.k. eitt gott við hann. Svo, það góða við daginn í dag er að ég fann mér lesfélaga OG það eru bara 11 dagar þar til certain someone kemur í heimsókn :-)

Klukk já........5 atriði um sjálfa mig.........hmmmmm...........ok:

1) ég átti einu sinni kött sem hét Snúlli

2) ég hef aldrei keyrt á (7-9-13)
hahaha var að muna að það er reyndar ekki alveg rétt....hjólaði einu sinni inní hliðina á einhverjum gaur á hjóli sem var að bíða á rauðu ljósi

3) ég hágrenjaði þegar ég sá myndina The Green Mile í fyrsta skipti

4) uppáhaldsblómið mitt er sólblóm

5) ég ætla að kaupa mér Porche 911 þegar ég verð orðin stór (eða þá gamla bjöllu með sound effect og alles ;-))

Annars er bara búið að vera algjör hygge um helgina, horfði á Madagaskar með Idu og Jonasi og Felipe; fór í mat hjá Elvu móðursystur og lék við Hákon sæta litla frænda, sem kann orðið að segja Guðný b.t.w :-D; og var svo ágætlega dugleg að læra bara. Önnur helgin í röð sem ég er stillt og fer ekkert á djamm. Er eiginlega ennþá að jafna mig eftir djammið um þar síðustu helgi þegar við stelpurnar fórum í bæinn........hjólandi.

Á leiðinni heim fannst Idu ég hjóla eitthvað aðeins of nálægt henni og þá fór ég náttlega að fíflast í henni með því að þykjast vera að keyra í hliðina á henni..........búin að taka nokkur staup af tekíla...........you do the math!! Auðvitað endaði þetta með því að ég hjólaði í hliðina á henni og við duttum í götuna. Ég hló svo mikið á eftir að ég gat ekki einu sinni staðið upp. Ida slapp sem betur fer með smá skrámur en ég fékk þessa líka litríku marbletti á vinstri handlegginn, einn eftir öllum framhandleggnum og annan stóran á upphandlegginn. It wasn´t pretty og þeir eru sem betur fer að hverfa. Leit á tímabili út eins og ég hefði orðið fyrir heimilisofbeldi.

En núna er þetta orðið ágætt með rólegheit og ég held ég stefni bara á smá djamm um næstu helgi..........skil samt hjólið eftir heima ;-)

Jeeessssss.........såååådan!!
Það var að losna pláss í kickboxing sem mig langaði svo rooooosalega í....og ég náði því. Þvílík gríðarleg heppni! Varð nebblega ekki sátt þegar var opnað fyrir tilmeldingar í síðustu viku og síðan hjá þeim fraus vegna álags......akkúrat þegar ég var að fara að staðfesta plássið mitt. Týpist.

En talandi um að hreyfa sig, ég veit ekki hvort ég sé að fara fram úr sjálfri mér. Er nebblega líka búin að skrá mig í sund einu sinni í viku............kl 7 alla föstudagsmorgna. Mér tókst nú að vakna og mæta á réttum tíma í morgun en eins og Ida og Katherine sögðu við mig um daginn: helduru að þú eigir eftir að fara á fætur kl 6 á dimmum desembermorgni?..........hmmm........nú er bara að bíða og sjá. Svo ætla ég líka að vera dugleg við að gera góðu EFFEKT styrktaræfingarnar.
Ég verð orðin þvílíkt mössuð næst þegar ég kem til Íslands

..........en þarf ég að verða mér úti um sippuband fyrir kickboxing

Þetta hlýtur að vera nýtt met hjá mér..........rétt vika síðan ég kom heim til mín aftur og allt fríhafnarnammið búið.............

Ég elska hvað maður getur oft gert góð kaup hérna í Danmörku. Súpermarkaðir eru mjög oft með tilboð á hinu og þessu sem kemur sér einmitt vel fyrir "fátækan" námsmanninn. Ég man þegar ég var nýflutt hingað út þá var ég frekar skeptisk á þessi tilboð, ekki vön því að það væri annað en afgangs dót eða gallaðar vörur úr Skaffó á tilboði. En maður er fljótur að bíta á agnið og orðinn eins og Danirnir á no time, talar ekki um annað en billigt og góð kaup.

Ég fór í Brugsen í dag til að kaupa kaffi, og auðvitað nesquik svo ég gæti fengið mér góða kakó-kaffið mitt, og sá þá þessar flottu matreiðslubækur. Ein var með asískum réttum, þar sem voru uppskriftir frá öllum löndum í asíu og ég hugsaði mér gott til glóðarinnar að rifja upp minningar frá asíuferðinni minni hérna um árið. Svo var önnur með pastaréttum.......heimatilbúið gnocchi hmm Silja ;)......og á ekki nema 100 kall. Það er nú frekar billigt hugsaði ég með mér og langaði mest að kaupa báðar bækurnar, en náði stjórn á mér aftur og keypti þessa með asísku réttunum. Svo hjólaði ég heim og sýndi Jonasi vini mínum stolt nýju bókina. "Hvad gav du for den?" spurði hann náttúrulega eins og sönnum dana sæmir. 100 kall svaraði ég ánægð og hugsaði með mér hvað það þyrfti stundum lítið til að gleðja mann. Svo hellti ég upp á kaffi og byrja að blaða í dagblöðunum og bæklingunum sem lágu á eldhúsborðinu, þar á meðal bækling frá Brugsen. Þar rak ég augun í matreiðslubækurnar.........á tilboði........49,95 kr. "Heyrðu bíddu.......var ég ekki að kaupa sömu bók á 100 kall?!". Hleyp inn í herberi og tékka á kvittuninni......jújú passar........fram í eldhús og kíki í bæklinginn aftur..........tek þá eftir að það stendur á forsíðunni: Tilboð sem gilda frá og með næstkomandi mánudegi. Crap!! Nú var ég ekki sátt og Jonas (sem b.t.w. einn af nískustu mönnum sem ég hef kynnst) hló bara. En ég dó ekki ráðalaus. Þegar það rann upp fyrir mér að ég gæti keypt 2 bækur fyrir sama verð og þessa einu sem ég var nýbúin að kaupa, sem sagt gæti keypt báðar bækurnar án þess að fá samviskubit yfir því, var ég ekki lengi að rjúka út. Skildi brauðið eftir í ristavélinni og kaffið að hellast uppá, dreif mig út í búð og skilaði bókinni.

Nú er svo bara að bíða eftir að sólin komi uppá mánudagsmorgun svo ég geti keypt mér 2 nýjar matreiðslubækur.......á tilboði ;-)

Ég sem hélt að ég yrði svo dugleg við að blogga í þetta skiptið.....fann alveg að andinn var kominn yfir mig.....en tíminn bara þýtur áfram án þess að mar fái nokkru um það ráðið.

Nokkrum dögum eftir versló komu vinir mínir Felipe og Jonas í heimsókn frá Danmörku og voru hjá mér í viku. Soldið gaman að skoða sitt eigið land með útlendingum, mar sér stundum hlutina frá öðru sjónarhorni og veltir fyrir sér hlutum sem mar hefur jafnvel aldrei spáð í áður. Ég fór náttúrulega með þá í náttúruperlu Skagafjarðar, Grettislaug, og á pöbbarölt á Sauðárkróki á föstudagskvöldi. Það var margt um manninn að vanda en rúnturinn inn á barinn var frekar stuttur og fljótafgreiddur. Svo fórum við í rafting, útilegu í Ásbyrgi, bláa lónið við Mývatn, á hestbak ofl. Rosa gaman.

Síðustu vikuna var ég svo á fullu að kveðja vini og vandamenn. Hélt rosalegt kveðjuteiti á föstudaginn, þar sem færri komust að en vildu;), og það endaði náttúrulega útí potti snemma morguns. Þar sem kvenkynið var í miklum minnihluta á þessum tímapunkti fékk ég smá innsýn í stráka-spjall og komst að þeirri niðurstöðu að það er bara enginn munur á því hvernig strákar og stelpur spjalla.

Eftir 3ja eða 4ra tíma svefn brunaði ég svo með far suður til Reykjavíkur á laugardaginn. Mígandi rigning á menningarnótt svo ég hélt mig heima fram til miðnættis. Kíkti í bæinn seint og um síðir þar sem ég hitti ekki ómerkari menn en Jón Hall a.k.a. Johnny boy sem er með mér í læknisfræði í Køben. Eiturhress eins og alltaf.

Svo var það DK baby á mánudaginn og viti menn.........það var örlítið hlýrra en 10 gráður við lendingu á Kastrup........

jiminn hvað tíminn líður.....maður er rétt nýkominn heim til Íslands og svo er bara allt í einu komin verslunarmannahelgi, Dana drengirnir fara að koma í heimsókn og svo er ég bara rokin í Baunalandið aftur. Skil etta bara ekki. Og ég sem var hrædd um að ég ætti eftir að hafa lítið að gera í sumarfríinu mínu hérna heima.

Það er frábært að vinna í endurhæfingunni á sjúkrahúsinu, sjúkraþjálfararnir eiga slatta af sniðugum bókum sem ég er pínu búin að kíkja í og alltaf tilbúnir til að ausa úr visku sinni "yfir" forvitna læknanemann:-)

Silja mín, sem ég hélt að yrði bara helgarviðhaldið mitt þar sem hún ætlaði að vera fyrir sunnan í allt sumar, ætlar að vera fyrir norðan hjá mér í ágúst.....jessss!

Vinir mínir 2 frá Danmörku koma í næstu viku og verða hjá mér í viku.

Rúmri viku seinna fer ég svo víst aftur af landi brott og kem aldrei aftur.......neeeeeeiii

En mál málanna í dag er víst næstkomandi helgi. Og þá er spurningin hvert á að fara, hvað á að gera?